„ჯიპიაი-ს კლინიკა” და ”კურაციო” ერთიანდება
„ჯიპიაი-ს კლინიკა” ”კურაციოს” ბაზაზე ერთიანდება და პაციენტებს უფრო მრავალფეროვან სამედიცინო სერვისს შესთავაზებს. კლინიკების გამსხვილება უკვე დასრულებულია და პირველ პაციენტს განახლებული კლინიკა ”კურაციო” უკვე იღებს.
„ორი კლინიკის გაერთიანება ერთი ბრენდის ქვეშ რამდენიმე მიზანს ემსახურება: პირველი რიგის ამოცანა იყო, ერთიანი სტანდარტების დანერგვა როგორც ზოგადად მომსახურების, ისე სამედიცინო სერვისების თვალსაზრისით. მნიშვნელოვნად გაიზრდება სიმძლავრეები, რათა ყველა პაციენტმა შეუფერხებლად და ზედმეტი ლოდინის გარეშე მიიღოს მომსახურება,” - აცხადებს ”ჯიპიაი ჰოლდინგის” გენერალური დირექტორი გიორგი კვირიკაძე.
”ჯიპიაი ჰოლდინგის” სამედიცინო დაზღვევის პოლისით 200,000-ზე მეტი ადამიანი სარგებლობს. საქართველოს მასშტაბით კომპანია 10 საავადმყოფოს აშენებს, რომელიც 225 საწოლს მოემსახურება.
07.10.2010