აღებული ვალდებულებების შესრულებას სადაზღვევო ტენდერში გამარჯვებული კიდევ ერთი კომპანია იწყებს. მარნეულში, ყოფილი სამხედრო ქალაქის ტერიტორიაზე "ირაო” ახალ საავადმყოფოს აშენებს. საავადმყოფოს მშენებლობა 2011 წლის დეკემბრისთვის უნდა დასრულდეს. პროექტი ითვალისწინებს საავადმყოფოს მრავალპროფილური და თანამედროვე ტექნიკით უზრუნველყოფას, მაღალკვალიფიციური კადრების მოძიებას და ადგილობრივი კადრების დასაქმებას. შეგახსენებთ, საავადმყოფოების მშენებლობა უკვე დაიწყეს ბაზრის ლიდერმა “ალდაგი ბისიამ”, ასევე “არქიმდეს გლობალ ჯორჯიამ”. 08.09.2010
