სადაზღვევო პროდუქტი ქართულ ბაზარზე ახლო მომავალში გამოჩნდება. მსოფლიო ბაზარზე ასეთი შეთავაზება დიდი პოპულარობით სარგებლობს და სადაზღვევო პაკეტის ღირებულებაც მაღალია. სოფლის მეურნეობის მინისტრი ბაკურ კვეზერელი ამბობს, რომ ქართულ ბაზარზე მოქმედი მსხვილი სადაზღვევო კომპანიები მზად არიან მარცვლეული კულტურები დააზღვიონ. მინისტრი ვარაუდობს, რომ მოსავლის დაზღვევით ბევრი კომპანია დაინტერესდება.
„ალდაგი ბი სი აი“ აგროკულტურის დაზღვევის მიზნით მომხმარებლისთვის შესათავაზებელ ახალ პროდუქტზე უკვე მუშაობს, მოლაპარაკებები ამ მიზნით უცხოელ პარტნიორებთანაც მიმდინარეობს, თუმცა პაკეტის პირობებისა და მისი ამოქმედების ვადებზე კომპანიაში ჯერ ვერ საუბრობენ.
ექსპერტების შეფასებით, მარცვლეულის დაზღვევა ამ პროდუქტის იმპორტის შემცირებასა და სხვადასხვა მავნებლების გავრცელების პირობებში მწარმოებლების დანაკარგებისგან დაცვას გამოიწვევს.