იმედი-ელ-მა საავადმყოფოების მშენებლობა უკვე დაიწყო
![](image.php?id=90&width=198&height=128)
აჭარას 2011 წლის ბოლოს 6 ახალი, თანამედროვე საავადმყოფო ექნება. საერთაშორისო სადაზღვევო კომპანია ”იმედი ელ”–მა საავადმყოფოების მშენებლობა უკვე დაიწყო. ქობულეთში 60 საწოლიანი, ჩაქვში, ქედაში, შუახევსა და ხულოში 20–30, ხოლო ბათუმში 90 საწოლიანი ევროპული სტანდარტების შესაბამისი კლინიკები ექსპლუატაციაში 2011 წლის ბოლოს შევა და ერთდროულად 300–მდე პაციენტს მოემსახურება.
მშენებლობის პროცესს ადგილზე საქართველოსა და აჭარის ჯანდაცვის მინისტრები და ”იმედი ელ”–ის წარმომადგენლები გაეცნენ.
თითოეულ ობიექტზე ”იმედი ელ”–ს 50 მუშახელი ჰყავს დასაქმებული. სპეციალური ტრენინგების გავლის შემდეგ კი კლინიკებში ადგილობრივი ექიმები დასაქმდებიან.
01.12.2010