საიტის საარქივო მასალა
,,სადაზღვევო კომპანია აი სი ჯგუფი“-ს განცხადება [17.06.2015]
,,სადაზღვევო კომპანია აი სი ჯგუფი“ კვლავ საგანგებო რეჟიმში აგრძელებს მუშაობას. ამ დროისათვის კომპანიაში შემოსულია 15 შეტყობინება, რომელთა ჯამური სადაზღვევო ლიმიტი 700,000 ლარს აღწევს.
სადაზღვევო კომპანია კოპენბურმა სტიქიით მიყენებული ზარალების ანაზღაურების გაცემა დაიწყო.
ზარალების ადმინისტრირების სამსახურმა 24 საათიანი მუშაობის შედეგად მოახდინა ყველა დაზღვეული ობიექტის ადგილზე მონახულება. ყველა ის ავტომობილი, რომელიც აღდგენას ექვემდებარება გადაყვანილია სერვის ცენტრებში.
"ალდაგი" 13 ივნისის სტიქიის შედეგად დაზარალებულ დაზღვეულებს ზარალს უმოკლეს ვადებში აუნაზღაურებს [17.06.2015]
სადაზღვევო კომპანია ალდაგი 13 ივნისის სტიქიის შედეგად დაზარალებულ დაზღვეულებს ზარალს უმოკლეს ვადებში აუნაზღაურებს. 14 ივნისიდან დღემდე, სადაზღვევო კომპანია ალდაგში 100-მდე შეტყობინება შემოვიდა. შექმნილი ვითარებიდან გამომდინარე, ალდაგმა გაამარტივა ზარალის დარეგულირების პროცედურები, რაც დაზღვეულებს დაეხმარებათ, დამატებითი დოკუმენტაციის წარმოდგენის გარეშე, უმოკლეს დროში მიიღონ კუთვნილი ანაზღაურება.
სტიქიით დაზარალებულებს ”იმედი L” 25 ათასი ლარით დაეხმარება. ”სადაზღვევო კომპანია იმედი L თანაუგრძნობს სტიქიით დაზარალებულ ოჯახებს და მათ დასახმარებლად ფონდში 25 000 ლარს რიცხავს”,- აღნიშნულია კომპანიის მიერ გავრცელებულ განცხადებაში.
სადაზღვევო კომპანია „უნისონი“ შეშფოთებას და ღრმა მწუხარებას გამოთქვამს ლაგუნა ვერეს მიმდებარე ტერიტორიაზე, მამაკაცის ტრაგიკულად გარდაცვალების გამო, უსამძიმრებს მის ოჯახს და აცხადებს რომ გარდაცვლილის ოჯახს ფინანსურად დაეხმარება.
