საიტის საარქივო მასალა
კრიზისმა სადაზღვევო სფეროს გვერდი აუარა [05.01.2011]
ნიკა გამყრელიძის თქმით, 2010 წელი ცალსახად უკეთესი იყო, ვიდრე 2009. მიმდინარე წელს სექტორი გაიზარდა და ფინანსური სიჯანსაღე გამტკიცდა. მისივე განმარტებით, 2011 წელს პრიორიტეტული ჰოსპიტალური სექტორის განვითარების პროექტი იქნება, “ალდაგი ბისიაი” საავადმყოფოების მშენებლობა ში 15 მილიონი დოლარის ინვესტიციას ჩადებს.
სადაზღვევო კომპანიების საახალწლო შეთავაზებები [05.01.2011]
სიახლეებს დაზღვეულებს ძირითადად ბაზრის წამყვანი მოთამაშეები სთავაზობენ. ბაზრის ლიდერი “ალდაგი ბისიაი” სპეციალურ საჩუქარს ავტოდაზღვევის შემთხვევაში აკეთებს. კომპანიაში აცხადებენ, რომ ის ვინც ახალი წლის პერიოდში ავტომობილ ს მათთან დააზღვევს, უფასოდ მიიღებს საგზურს ყვარელში, გუდაურში ან „შერატონში“.
სიახლე ავტომობილების დაზღვევაში [23.12.2010]
სადაზღვევო კომპანიების ინიციატივით შეიქმნა სადაზღვევო საინფორმაციო ბიურო, რომლის მიზანი ავტოდაზღვევაში სადაზღვევო შემთხვევების შესახებ ინფორმაციის შეგროვება, დამუშავება და ანალიზია. ეს სისტემა გამორიცხავს ორმაგი სადაზღვევო პოლისების არსებობის შესაძლებლობას, ქმნის მძღოლის სადაზღვევო ისტორიას რის საფუძველზეც მზღვეველს ეძლევა საშუალება ინფორმირებული გადაწყვეტილება მიიღოს სადაზღვევო ტარიფებთან მიმართებაში.
სადაზღვევო კომპანია „ალდაგი ბისიაიმ“ 21 დეკემბერს თბილისი ივენთ ჰოლში ღია კარის დღე გამართა, სადაც უამრავმა ახალგაზრდამ მოიყარა თავი. კომპანიამ მსურველებს გააცნო თავისი სამოქმედო გეგმა, რომლის მიხედვითაც, „ალდაგი ბისიაი“ შესაძლებლობას აძლევს ყველა დაინტერესებულ ახალგაზრდას გაიაროს უფასო სადაზღვევო საქმიანობის შემსწავლელი კურსები. რის შემდეგადაც ისინი დასაქმდებიან კომპანიაში.
სავალდებულო დაზღვევა შესაძლოა აღდგეს? [22.12.2010]
სადაზღვევო ასოციაცია ავტომფლობელთა სავალდებულო დაზღვევის დაბრუნების ინიციატივით გამოდის. ამ ინიციატივის მიხედვით, ავტომფლობელთა მესამე პირის სავალდებულო დაზღვევის ღირებულება 150 ლარს უნდა შეადგენდეს. ამით ავტოსაგზაო შემთხვევისას სადაზღვევო კომპანია იმ პირისთვის მიყენებულ ზარალს აანაზღაურებს, რომელიც სადაზღვევო პოლისის მფლობელმა დააზარალა.
