საიტის საარქივო მასალა

საზღვარგარეთ გამგზავრებისას, სადაც სავიზო რეჟიმია, მგზავრი ვალდებულია სამოგზაურო დაზღვევა შეიძინოს. უვიზო მიმოსვლის შემთხვევაში, ასეთი ვალდებულება მოხსნილია. გამოდის, რომ ისინი დაუზღვევლები არიან და არც კი ფიქრობენ ამაზე. არადა, სამოგზაურო დაზღვევა  ძალიან იაფი ღირს, დღეში 1 ლარი და 50 ათასი ევროს ფარგლებში ფარავს საზღვარგარეთ მკურნალობას იმ შემთხვევაში, თუ საჭირო გახდა. მოვუწოდებ, რომ ყველამ შეიძინოს ასეთი დაზღვევა და დაიცვან თავი. ასეთი დაზღვევის პოლისები იყიდება ყველა სადაზღვევო კომპანიაში და მათ შორის ჩვენი კომპანიის ოფისშიც. "აი სი ჯგუფი" საკუთარ მომხმარებელს ინოვაციურ ავტო დაზღვევის პროდუქტს შესთავაზებს, რომელიც განახლებული პირობებით და ტექნოლოგიური მხარდაჭერით უპრეცედენტოა საქართველოს სადაზღვევო ბაზარზე. ახალი ავტო დაზღვევის პოლისის მიღება მომხმარებელს სადაზღვევო კომპანიაში ვიზიტის გარეშე ზუსტად 15 წუთში შეეძლება, დაზღვევის ყველა საჭირო პროცედურას სადაზღვევო აგენტები გამოძახების ადგილზე მოაგვარებენ.
სადაზღვევო კომპანია "პარტნიორს" და კომპანია "თეგეტა მოტორს" შორის გაფორმდა ურთიერთანამშრომლობის მემორანდუმი. პროდუქტი  PREMIUM CASCO 9 მარტს გამოვა ბაზარზე და „პარტნიორის“ და „თეგეტა მოტორსის“ ოფისებში გაიყიდება. მემორანდუმს  ხელი ორი კომპანიის გენერალურმა დირექტორმა მოაწერა. ახალი პროდუქტი მოიცავს როგორც ავტომობილების დაზღვევას, ასევე მის მომსახურებას, დაწყებული მათი უფასო დიაგნოსტიკით და დამთავრებული ავტომობილების შეკეთებით და ავტოსათადარიგო ნაწილების შეღავათიანი ტარიფით შეძენით თეგეტა მოტორსის ცენტრებში.
სადაზღვევო კომპანია "იმედი ელის" ორგანიზებით, საქართველოს უნივერსიტეტის სტუდენტებს ფარისებრი ჯირკვლის უფასო გამოკვლევა ჩაუტარდათ. კვალიფიცირებულმა ექიმებმა 650 სტუდენტი უახლესი ულტრასონოგრაფიული აპარატურით გამოიკვლიეს, რის შედეგადაც, 90 შემთხვევა გამოვლინდა. აქციის ფარგლებში სადაზღვევო კომპანია "იმედი ელმა" ლაბორატორია "მრჩეველში" დეტალური ჰორმონალური კვლევა უზრუნველყო. სადაზღვევო კომპანია ჯიპიაი ჰოლდინგმა ქალბატონებისთვის სპეციალური საგაზაფხულო აქცია დაიწყო. კომპანიამ მძღოლ ქალბატონებს ავტომობილის დაზღვევის ექსკლუზიური პირობები შესთავაზა. თინათინ სტამბოლიშვილი, სადაზღვევო კომპანია ჯიპიაი ჰოლდინგის საზოგადოებასთან ურთიერთობის სამსახურის უფროსი: ”გაზაფხულის პირველ თვეს ორი დღესასწაული ეძღვნება ქალებს. ჩვენც გვინდოდა ერთგვარი სიურპრიზი გაგვეკეთებინა ქალბატონებისთვის და შეგვეთავაზებინა სრულიად განსხვავებული პირობები. 

არქივი