საიტის საარქივო მასალა
ჯიპიაი ჰოლდინგი პროექტში - საჭესთან ფხიზლად [13.05.2011]
11 მაისს, გაეროს საგზაო უსაფრთხოების დღეს, საქართველოს პირველი ლედის სანდრა რულოვსის ინიციატივით პროექტი „საჭესთან ფხიზლად" დაიწყო, რომელიც პირველი ლედის ჯანსაღი ცხოვრების წესის ფარგლებში მოეწყო. აღნიშნული ღონისძიება არასამთავრობო ორგანიზაციის „საქართველოს ალიანსი უსაფრთხო გზებისთვის" ინიციატივით ხორციელდება. პროექტის აქტიური მხარდამჭერები არიან სადაზღვევო კომპანია ჯიპიაი ჰოლდინგი, ამერიკის საელჩო საქართველოში, კომპანიები "ნატახტარი" და „ტოიოტა".
სოციალური პროექტი ალდაგისგან კვლავ გრძელდება [13.05.2011]
სადაზღვევო კომპანია ალდაგი ბისიაის სოციალური პროექტი „გავულამაზოთ ერთი დღე ბავშვებს“ ამჯერად ქუთაისის ბავშთა სახლს უმასპინძლებს. სოციალური პროექტი მიზნად ისახავს მზრუნველობამოკლებული ბავშვებისათვის დაუვიწყარი დღესასწაულების მოწყობას. პროექტში მონაწილეობას მიიღებენ რეგიონებში განთავსებული სხვადასხვა ბავშვთა სახლის აღსაზრდელები. 
მედიქ ქარდი ბეიბი - სიახლე ალდაგი ბისიაისგან [04.05.2011]
2011 წლის დასაწყისიდან კომპანია უკვე რიგით მეორე უნიკალურ სადაზღვევო პროდუქტს უშვებს და ამ მიმართულებით მუშაობას კვლავ განაგრძობს. პირველად სადაზღვევო ბაზარზე მომხმარებელს შესაძლებლობა ექნება მშობიარობა დააზღვიოს ორსულობის პერიოდში, (6–თვემდე) ხოლო სადაზღვევო პრემია გადაიხადოს ეტაპობრივად, თვეში ერთხელ. სადაზღვევო კომპანია ალდაგი ბისიაი თანამშრომლობს თითქმის ყველა სამშობიარო სახლთან, რის შედეგადაც მომხმარებელს საშუალება მიეცემა სურვილისამებრ აირჩიოს მისთვის სასურველი სამშობიარო სახლი, სადაც მიიღებენ მაღალი ხარისხის სამეანო–სამშობიარო მომსახურებას
10 საავადმყოფო სხვადასხვა რეგიონში [03.05.2011]
სადაზღვევო კომპანია ჯიპიაი ჰოლდინგი რეგიონში კერძო დაზღვევის განვითარებას გეგმავს, რის შემდეგ სამედიცინო ცენტრში მკურნალობის მიღება ადგილობრივი მოსახლეობისთვის უფრო მეტად ხელმისაწვდომი გახდება. ხოლო რეგიონში მცხოვრები სოციალურად დაუცველი მოსახლეობა სამედიცინო მომსახურებას პროგრამით გათვალისწინებული პირობების შესაბამისად მიიღებს.
დაზღვევის სახალისო პროდუქტები [03.05.2011]
ერთ-ერთ ამერიკულ საიტზე განთავსდა განცხადება „ნუ დატოვებთ დედამიწას ამის გარეშე“. როგორც ირკვევა ამ სახელწოდებით სადაზღვევო პოლისებს საზოგადოებას კომპანია UFO Abduction Insurance სთავაზობს. წელიწადში პოლისის ღირებულება 19,9 დოლარია, ანაზღაურებადი თანხა კი საკმაოდ სოლიდური - 10 მილიონი დოლარია. თუმცა ანაზღაურების მიღება მსურველს საკმაოდ გაუჭირდება. საქმე ისაა, რომ 10 მილიონის მისაღებად და იმის დასამტკიცებლად, რომ „სხვაგან“ იყავით, მოწმედ ერთი უცხოპლანეტელი დაგჭირდებათ.
